信耶穌後，鄭秀文 Sammi脫胎換骨，成功搣甩污名，由「臭四」變成「四萬」。但「佛都有火」，○四年曾有炒助手前科的 Sammi，近日因不甘被私人助手「大嬸」出賣，再度發威，請對方歎「炒魷」。
據知，被行內暱稱為「大嬸」的 Clara Lau，跟隨Sammi之前是阿嬌（鍾欣桐）的助手，二人感情要好。忠於阿嬌的「大嬸」多次出賣新主，甚至在 Sammi身上替阿嬌攞着數，上得山多，最終被Sammi的另一共事多年的貼身助手 Elinor揭破。 Sammi不甘被身邊人背叛，一怒之下，今個月三日，將「大嬸」即時解僱，並沒有任何賠償。

據為己有
曾經效力英皇的「大嬸」，主力照顧 Twins，跟阿嬌出雙入對並成為好友，當年甚至有傳二人關係非比尋常。○七年「大嬸」過檔轉幫 Sammi，表面上忠心耿耿，但「大嬸」在 Sammi身邊，卻一心一意為阿嬌搵着數。
據知，「大嬸」因為 Sammi的關係成功取得一大堆贊助商的聯絡，繼而據為己有，甚至不避嫌，親自出馬替阿嬌迹sponsor，更成功替阿嬌傾到幾個服裝贊助，搞到 Sammi跟阿嬌頻頻撞衫。久而久之， Sammi的另一助手Elinor發覺有異，護主心切，不甘老細被出賣，於是將惡行揭發。Sammi得悉「大嬸」反骨賣主，一怒之下，於本月三日完成第一站巡迴演唱回港後，即時辭退對方，更要求她即日離開，更無作出任何賠償。
「 Sammi係大牌，一向有好多 sponsor主動搵上門，『大嬸』咪乘機喺佢身上攞晒啲 contact，跟住幫阿嬌去迹 sponsor，搞到 Sammi成日同阿嬌撞衫，呢啲嘢冇得隻眼開隻眼閉， Sammi知『大嬸』唔係有心幫佢做嘢，咪炒咗佢囉！」

工都唔要
為了阿嬌，「大嬸」唔單止出賣老細，甚至連工都唔要。○七年，「大嬸」過檔幫 Sammi，但不足半年，阿嬌爆出淫照事件，「大嬸」即向 Sammi請辭，陪阿嬌共渡難關，當時 Sammi見她去意已決，亦沒有挽留。
「嗰次其實 Sammi都有啲唔高興，覺得佢唔珍惜份工，喺度玩玩吓，所以都冇乜點留佢，加上 Sammi嗰陣都好同情阿嬌，覺得佢需要『大嬸』多啲，咪放佢走囉！到咗舊年年尾演唱會，大嬸又主動迹撈，話要返嚟做。」知情者透露。

穿針引線阿嬌曾在訪問中指淫照事件後， Sammi有勸導她信主，又成功擔任 Sammi演唱會的特別嘉賓。而阿嬌之所以與 Sammi認識，全靠「大嬸」做中間人穿針引線。
「『大嬸』份人其實幾風趣，又有幽默感，佢返嚟做咗一個月， Sammi已經不計前嫌好信佢，佢見老細信自己，咪即刻乘機介紹阿嬌俾 Sammi識，嗰時 Sammi忙緊做演唱會彩排，大嬸專登帶埋阿嬌去排舞室探班，之後又向 Sammi推薦阿嬌做演唱會特別嘉賓。」

怎么还是繁体的 看着真费劲 郑秀文也有很长的时间没有消息了 是不是想拿这事儿炒一炒 长点儿曝光率